كتب/احمدحافظ
يعني أهله جم شافوكي
ولابنهم خلاص خطبوكي
طب مبروك عليكي
دا أنا كان نفسي
أشوف الفرحة فـ عنيكي
بس قوليلي
بداء يمسك ايديكي
وشايفة فـ عينه اللمعة
اللي مليانه خوف عليكي
يعني لبستي دبلته
وحفظتي كمان نمرته
يعني بقى في بينكم كلام بالساعات
ورغي طول الليل فـ التليفونات
طب قوليلي
لبستي الدبلة من سكات
ولا كان في فرحة وهيصة
ولميتي فـ الأوضةكل البنات
ومشغلين أغنية يا دبلة الخطوبة
وطالعة وياها كام زغروطة
طب حددتواا الفرح ولا لسه
يعني هتجيلي دعوة
ولا خلاص
معدتش ليكي بيا دعوة
طب طمنيني
اخترتي لون شقتك
زي ما كنتي معايا رسمه
دا احنا ما بينا
يجي 1000 قصة
حتى فستان دخلتك
كان ليه فـ خيالنا رسمة
طب اتكلمتوا عن عيالكم
قوليلي هتسميهم ايه
نفس الاسامي هي هي
اللي كنا عليها متفقين
ولا ليها هتكونوا مغيرين
بس بجد عارفة
نفسي أحضر أيوه فرحك
وفي الكوشة أكون انا شايفك
وتكوني أجمل وأرق عروسة
وفـ الفستان تكوني مرسومة
وأشوف الفرحة في عنيكي
وتكون الحنه لسه فـ ايديكي
واطمن كمان عليكي
من نظرة عنيكي
وأنا ببارك وأهني
وامسك المايك وأغني
(اعذريني فـ يوم زفافك
مقدرتش أفرح زيهم
مخطرش ابدا يوم فـ بالي
اني ابقى واحد منهم)
واسلم عليكي
وتكون آخر مره
ألمس ايديكي
وأقولك من جوه
قلبي مبروك عليكي
إرسال تعليق