ما لا تعرفه عن الحب _ جريدة صوت البحر نيوز

 

كتبت شيرين كمال

حوار لابد من متابعته وفهمه جيدا 

إنت مدتش نفسك فرصة تحبني، كان ممكن تحبني بس أنت محاولتش، كنت بتكرّه نفسك فيّا، ميزاتي كنت بتقلبها عيوب.

الطيبة كنت بتشوفها خيبة، حبي ليك بتشوفه ضعف مع إن محدش حبك قدى يا محسن.

=متصغرنيش أكتر من كده يا شكران

_ محدش كبرك قدى أنت اللي صغرتني .. أنا عمرى ما كنت ست قليلة، بس كنت بسيطة معاك ياريتك كنت قدّرت ده.

-هوانم جاردن سيتى

هنا شكران هزأت محسن بالادب لا علت صوتها عليه ولا قالتله أبوك واللي جابوك ولا حاجة عشان هي ليدي وبنات الناس حتي وهما متنرفزين بيفضلوا بنات ناس.

علاقة شكران ومحسن من العلاقات اللي تستحق الدراسة فعلاً يعني لما اجي اتكلم عن علاقتهم باختصار تلاقي فيها طول الوقت شد وجذب فمحسن اتجوز شكران اللي بتحبه غصب عنه بعد ما تسبب لها في إعاقة في رجليها وطول عمره حاسس انه مغصوب علي العلاقة ديه وكان بيخونها بعلاقات مع ستات ميساوش حتي ضفرها وهي كانت بتسامح وتغفر لحد ما وصلت لمرحلة أنها مش قادرة مش مستحملة العلاقة ديه خلاص هنا محسن لما حس أن شكران هتسيبه أتغير تماماً خصوصاً بعد العملية اللي عملتها وبقت تمشي بشكل طبيعي فأبتدي يحاول يستملها ناحيته مرة تانية بس شكران كانت في حالة قوة لأن الإعاقة اللي كانت حاسة بيها وكسرها من جوه خلاص انتهت فكانت بتقول اللي نفسها تقوله من زمان له بس بأدب زي ما اتربت.

الغريب اللي يشوف عبلة كامل في الدور ده ميقولش ابدا أن ديه اللي عملت خالتي فرنسا اللي كانت شغلتها أصلا "الردح".