كتب/خالدكامل
*بجد انا في حيرة من ابناء بني جنسي من البشر.... واتسائل لماذا كل هذا العنف وتردي سوء الاخلاق
في التعامل مع تلك الكائنات الرقيقة.
والتي تدعي..."الحمير".
*فهي دوما مطيعة وتعمل دون كلل او ملل ومع ذلك تضرب وتهان بمنتهي القسوة.
وللاسف لاترد الاساءة بالمثل لانها "بكماء"
يادوبك بتحط همها في انها تنهق وبس.
*وللاسف الشديد حتي اسمها استعمله البشر كصفة شتيمة بينهم وبين بعضهم دون مراعاه لاحساسه وظروفه النفسية زي تعامل البشر مع القطط السيامي والكلاب اللولو في البيوت..... وبالتالي يتم اهدار كرامته ... "وكم انت حزين ايها الحمار التعس"
*واخرة المتمة لما يتعب من كتر الشغل.. وينخ... يدبحوه ويعملوه "حوواشي" والله العظيم فعلا الجزارين دول اخر ظلم.
*واخيرا عزيزي الحمار المظلوم اوعي تزعل من عمايل البشر اللي كلها قسوة وانتظر حقك يوم القيامة منهم علشان انت من الاخر روح ويجب الحفاظ عليها... علشان حتي جمعية الرفق بالحيوان مش عارفة تجيبلك حقك لغاية النهاردة
سلام ياصاحبي...... الحمار
إرسال تعليق